სიძვა და შური სათნოების შემმუსვრელია,
ნაყროვანება სალმობაა სათრგუნვად ძნელი.
მრისხანება კი ულმობელი კაცისმკვლელია,
ყველა მათგანი გენია და ჯურღმული ბნელი.

ამპარტავნების წამალია მხოლოდ სიმდაბლე,
ბილწი სიძვისა - სიწმინდე და უმანკოება.
მრისხანებისა - შეწყნარება, სულის სიმშვიდე -
სასოწარკვეთის - ყოვლადწმინდა ღვთის სასოება.

გულმოწყალებით ანგარება განიკურნება,
შურიანობის მალამო კი სიყვარულია.
მარხვით ეძლევათ ნაყროვანებს სულის კურნება,
ყველა წამალი, ცხონება და სიხარულია.